Að pota með priki

Að starfa að hönnun er líkt og vera barn í fjöruferð.  Fyrst í stað er smásteinum kastað í öldurnar á einfaldasta hátt og umhverfið skoðað úr fjarlægð. 
Fljótlega taka forvitnin,hugsunin og sköpunargleðin við.  Barnið finnur sér passlega langt prik og fer að pota í það sem það finnur.  
Lyftir steinum, kíkir bak við trjábúta og rótar í þanginu örlítið lengra í burtu.  
Kannar landið, fjöruna framundan og möguleikana.
Þar til rétta viðfangsefnið er fundið.
Þá hefst gamanið.

Prikið

Mikilvægasta verkfæri sögunnar.  Fyrsta meðvitaða verkfæri steinaldarmannsins og það sem flestir kunna að beita, án nokkurra leiðbeininga.

Hvað ef...

Hugmyndaflugið er næstum jafn mikilvægt og prikið.  Með því getum við byggt hvað sem er, í hvaða tilgangi sem er.  Engar hömlur, bara möguleikar.

Forvitnin

Án hennar er prikið gersamlega gagnslaust.  Ef forvitnin ýtti ekki við okkur, værum við enn sitjandi í hellum, umvafinn loðfeldi af því sem reyndi að éta okkur í gær.

Uppbyggingin

Myndir í sandinn, sögur um steina og ævintýri um þangið.  En langmikilvægasta forsendan er prikið.