Samstarf

Það er erfitt að koma góðri hugmynd á framfæri.  Til þess þarf ekki bara fjármagn, heldur líka innsæi, tækniþekkingu og gott kynningarefni.  Driftwood ehf veitir snjöllu fólki og fyrirtækjum aðstoð við að gera hugmyndina framkvæmanlega, útbýr kynningarefni, útvegar birgja, tengsl við framleiðendur eða annað sem þarf til að koma hugmyndinni á framkvæmanlegt stig.  Ef fjármagn er af skornum skammti í verkefninu, er hægt að semja um hlutdeild í hagnaði eða eignarhlut í fyrirtæki frumkvöðulsins.  Mestu máli skiptir að láta ekki góða hugmynd fara forgörðum.

Samstarfsformið

Þetta form hentar vel þegar verkkaupi hefur skilgreint vandamál, en ekki fundið lausnina.  Eða þegar framleiðandi er með nýja tækni eða efni, en hefur ekki fundið bestu notin fyrir það ennþá.

Skipting hagnaðar

Rétt eins og með hugverkaréttinn, er mikilvægt að skipting bæði kostnaðar og hagnaðar sé vel skilgreind í upphafi.  Aðilar að samstarfinu verða að koma sér saman um þess hluti, sem og hvernig skuli bregðast við ef þróunarvinnan ber ekki tilætlaðan árangur.

Framlag eftir kunnáttu

Samstarfið byggir alltaf á því að hver og einn aðili sér um þann hluta verksins sem hann kann best.  Þess vegna getur verið nauðsynlegt að bjóða fleiri aðilum til samstarfsins, allt eftir því hvaða hæfileika það þarfnast.

Ef allt klikkar

Jafnvel í bestu sjóskipum eru björgunarbátar.  Ef samstarfið skilar ekki árangri, þarf að vera til áætlun sem segir hvernig skuli skipta kostnaði, tekjum og hugverkaréttingum, ef einhver eru.